Марий Элын Тазалыкым аралыме министерствыжын 9 ноябрь эрдене увертарымыж почеш, пытартыш суткаште регионнан больницылаж гыч паремше 32 пациентым мӧҥгӧ колтымо, тыгодымак 92 черлым эмлалташ пыштыме. Тыге, теҥгече эрдене республикнан 10 инфекционный стационарыштыже медик-влак чылаже 1109 гражданым у коронавирус инфекций да пневмоний деч эмленыт. Ты чот гыч 198 пациент неле состоянийыште лийын, 27 черле шодым искусственно вентилироватлыме йӧн дене шӱлен, 529 еҥлан кислород кӱлын.
Марий Элыште COVID-19 инфекций дене кылдалтше сӱрет кечын нелемын толеш. Республикнан инфекционный стационарлаштыже ковидныйлан шотлалтше тынар пациент нигунамат эмлалтын огыл, ИВЛ-аппаратыштат тынар черле кызыт веле кия.
«Коронавирус: статистика» сайтын 9 ноябрьысе данныйже почеш, пытартыш суткаште Российыште COVID-19 дене 21798 граждан инфицироватлалтын, Марий Элыште – 45 еҥ. Пандемий пагытыште республикыштына у коронавирус инфекций дене чылаже 6527 еҥ черланен, 5220 пациент паремын, 67 черле колен.
Газетнан шергакан йолташыже-влак, COVID-19 – пеш шучко инфекций, тудо нигӧм огеш ойыркале, нигӧм огеш чамане… Сандене Роспотребнадзор ден Минздравын темлымашыштым шотыш налаш тыршыза, шкендам да лишыл еҥда-влакым аралыза.
Марий Элыште COVID-19 инфекций дене кылдалтше сӱрет кечын нелемын толеш. Республикнан инфекционный стационарлаштыже ковидныйлан шотлалтше тынар пациент нигунамат эмлалтын огыл, ИВЛ-аппаратыштат тынар черле кызыт веле кия.
«Коронавирус: статистика» сайтын 9 ноябрьысе данныйже почеш, пытартыш суткаште Российыште COVID-19 дене 21798 граждан инфицироватлалтын, Марий Элыште – 45 еҥ. Пандемий пагытыште республикыштына у коронавирус инфекций дене чылаже 6527 еҥ черланен, 5220 пациент паремын, 67 черле колен.
Газетнан шергакан йолташыже-влак, COVID-19 – пеш шучко инфекций, тудо нигӧм огеш ойыркале, нигӧм огеш чамане… Сандене Роспотребнадзор ден Минздравын темлымашыштым шотыш налаш тыршыза, шкендам да лишыл еҥда-влакым аралыза.
М.ИВАНОВА
