10 апрельыште республикым вуйлатыше Александр Евстифеев «Демографий» национальный проектым да тушко пурышо федеральный проект-влакым шуктымо йодышлан пӧлеклалтше совещанийыште лийын.
Россий Федерацийын субъектше-влакын вуйлатышышт дене вашлиймаш видеоселектор режим почеш эртен. Каҥашымашым Российын паша да социальный аралымаш министржын алмаштышыже Алексей Вовченко вўден.
Марий Элыште «Демографий» национальный проект дене келшышын, 5 региональный проект шукталтеш. Тиде – «Йоча шочмо годым ешлан финанс полыш», «Кугырак тукым», «Таза илыш-йӱлам кучаш, тидын шотыштак таза кочкышым кочкаш да уда койыш дене чеверласаш. граждан-влакым кумылаҥдыме системым ыштымаш», «Ӱдырамаш-влаклан паша верым ситараш йӧным ыштымаш – кум ий марте ийготан йоча-влаклан дошкольный образованийым налаш условийым ыштымаш», «Спорт – илыш нормо» региональный проект-влак.
Чыла региональный проектым шуктымо шотышто соглашенийым ыштыме. Финансированийын чыла источникше кўшеш 2019-2024 ийлаште тиде пашаш 7,7 миллиард теҥгем ушаш палемдыме.
Тений республикыште чылаже 1010 веран ныл дошкольный образований объектым чоҥаш тӱҥалыт. Нуным 2020 ийыште ыштен шукташ палемдалтеш. Тылеч посна тений 1040 веран тыгаяк 4 объект пашаш колталтеш. 2021 ийыште ясльылаште 560 у верым ышташ ойым пидме.
Марий Эл Республикым вуйлатышын организаций да аналитике виктемжын уверже негызеш П.Шакиров ямдылен
Д. Речкинын фотожо
