«Лӱдыкшыдымӧ да качестван автомобиль корно» национальный проект дене келшышын, Йошкар-Олаште корным олмыкташ ныл электрон аукционым увертарыме.
Тидлан 357, 6 миллион теҥгем кучылташ шонат. Йошкар-Ола администраций пресс-службо увертарыме почеш ныл корно участкым олмыктыман:
– Ленин проспектыште Машиностроитель ден Советский, Эшкинин ден Карл Либкнехт уремла коклаште 3,8 км кумдык корным шотыш кондыман.
– Первомайский уремыште Панфилов ден Серов уремла коклам – 2,9 км кумдык;
– Карл Маркс уремыште Строитель урем гыч тӱҥалын Ленин проспект марте 2,4 км кумдык;
– Западный уремыште Йыван Кырля гыч Дружбо урем марте 1,8 км кумдыкым олмыктыман.
Аукционышто сеҥыше подрядчиклан тений рӱдӧ ола уремлаште асфальтым олмыкташ, корно кок велнысе кӱйым вашталташ да вӱд йоген пурымо кӱртньӧ люкым тӧрлаташ логалеш.
Корным олмыктышо-влак пашам майын кокымшо пелыштыже тӱналыт сентябрьлан мучашлен шуктышаш улыт.
Р.Чепакова