УВЕР ЙОГЫН

Налшыжат, ужалышыжат шагалемыныт

Йошкар-Оласе Чарла кремльыште 5 декабрьыште эртыше ялозанлык ярмиҥгамом ончыктыш?

Тиде гана игече йӱштӧ ыле да садлан оласе калык ярмиҥгашке вашкен огыл. Ужалыше-влакат ятырлан шагалемыныт. Ынде йӱкшемдымылан кӧра пакчасаскам, пареҥгым, тыгак чодыраште кушшо ир емыжым ужалыше-влак уке улыт ыле. Тыгодымак шылым ужалыше-влак ончычсо дене таҥастарымаште шагалемыныт гынат, икмынярын лийыныт.  Комбым иктыжым 1,3-1,5 тӱжем теҥгелан налаш лийын, лудым – 1 тӱжемлан, чывым – 600-700 теҥгелан. Кӱрка шылым килограммжым 450 теҥгелан темленыт. Шорык шылым ужалыше улыжат ик еҥ ыле. Сӧсна, ушкал шылымат налаш лийын. «Толмань» озанлык шке сатужым конден ыле, колжым писын ужален пытарыш да кечывал деч ончычак мӧҥгеш кайыш. Мӱйым, мӱкшын пуымо моло продукцийым ужалыше-влаклан утларакшым йокрокланен шогашышт логалын. Молан манаш гын мӱйым налше-влак палынак шагалемыныт, адакшым акшат волен. Мутлан, кум литран ик банке мӱйым 1,5-1,4 тӱжем теҥгелан налаш лийын.

Предприятий-влак кокла гыч Оршанке райпо шере кочкышыжым да Марий Турек районысо «Хлебниковский» ООО гына шӧр продукцийжым ужалаш луктыныт ыле. Тиде гана кидмастар-влакат, очыни, йӱштылан кєра шке сатуштым конден огытыл.

Вес ярмиҥга кремльыштак 12 декабрьыште лиеш.

В.СМОЛЕНЦЕВ

Опубликовать в Одноклассники

Добавить комментарий