УВЕР ЙОГЫН

Министр паша гыч каен

Ольга Фёдорова Марий Элын социальный вияҥмаш министржын должностьшым шке кумылын коден.

Келшыше пунчалым регионым вуйлатыше Александр Евстифеев 4 мартыште луктын да, РФ Паша кодексын 77-ше статьяжын 3-шо пунктшо дене келшышын, ты кечын Ольга Викторовнам должностьшо гыч утарыме.   

О.Фёдоровам министрын постышкыжо 2017 ий шыжым шогалтыме. Тымарте тудо Саратов областьысе Социальный вияҥмаш министерствын Калыкым социально аралыме  комитетшын председательжын алмаштышыже лийын.

Тиде кечынак Марий Элым вуйлатыше А.Евстифеев социальный вияҥмаш министрын пашажым жаплан шуктышылан Андрей Компаниецым палемден. Тудыжо тымарте социальный вияҥмаш министрын алмаштышыже лийын. Чиновник у обязанностьым 5 март гыч шукташ тӱҥалын.  

М.ИВАНОВА

Опубликовать в Одноклассники

Добавить комментарий