Кугарнян «Марий национальный конгресс» мер организацийын отчет да сайлымаш сынан погынымашыже эртен.
Мер организацийын председательже, М.Шкетан лӱмеш марий ациональный драме театрын директоржо Михаил Матвеев кодшо ийын ыштыме паша дене палдарен. Ик эн сай лектыш семын конгрессын уставшым ыштен шуктымым палемдыш. Вашталтыш-влакым пуртымылан кӧра организаций ынде шке пашажым сайынрак да писынрак ворандарен кертеш. Шуктымо моло пашат иктешлалтын. Шукырак йӱк дене организацийын пашажым удовлетворительныйлан шотлышт.
Отчетым колыштмеке, мутым рвезионный комиссийын председательже Геннадий Куликов налын. Кумшо йодыш сайлымашлан пӧлеклалтын ыле. Михаил Иванович у вуйлатышылан МарНИИЯЛИ директор, историй науко кандидат Евгений Кузьминым темлен. Йолташыже-влак тиде ой дене тӱрыс келшеныт. А ушемын исполком вуйлатышыжлан «Кугарня» газетын тӱҥ редакторжо Эдуард Иманаевым сайленыт.
С.Носова.
