ОБРАЗОВАНИЙ

Мемнан унана: «Шочмо йылме, калык, тӱвыра деч вожылмым йӧршын ом умыло»

Карелийын ты мотор ӱдыржӧ Дарья ШВЕЦОВА Петрозаводскысо кугыжаныш университетыште 4-ше курсышто прибалтийско-финский филологий факультетыште тунемеш. 

Марий кугыжаныш университетыште финн-угор студент-влакын «Финн-угор калык-влакын поянлыкышт» тӱнямбал форумышто вепс калыкын традиционный вургемже нерген докладым лудынат ыле. Тугеже тый вепслат мутланет?

— Мый Рыбрека селаште иленам, сандене изинек вепсла кутыренам. Тушто кызытат вепс йылмым школышто туныктат. Ачам Кужэҥер район гыч, руш. Ачамын 4-ше классыште тунеммыж годым ешыже Карелийыш илаш куснен. Авам вепс. Кызытат ялыш мийымем годым шочмо йылмем дене мутланена. Шочмо йылмемлан шӱмаҥдымылан эн ончыч ковамлан тауштем. Тек тудын ӱмыржӧ кужурак лиеш. Тыгак финн, англичан йылмымат палем.

—  Мемнан дене лиймет годым моткоч ойыртемалтше вургемым чиенат ыле. Тудын нерген изиш каласкале.

—  Тиде вепс калыкын ӱдырамаш вургемже. Тыгай тувырым XIII курымышто чиеныт. Тыште тӱржат ойыртемалтше. Сӧрастарыме ӱзгар-шамычат акрет жапысе улыт. Ме тыгай подвеске-влакым рипкет манына. А ты шкешотан брошко-влак фибул улыт. Ончыч сарафанын кӱшыл ужашыжым урген огытыл, а пӱшкылыныт. Тунам вургемым йытын куэм гыч ыштеныт. Мый шкежат кидпашам йӧратем. Тӱрлӧ салфеткым пидам, сӧрастарыме ӱзгар-влакым ыштылам.

Кумданрак — «Марий Эл» газетын
2017 ий 28 октябрьыште лекше номерыштыже лудын кертыда.

Лидия ШАБДАРОВА.
М.Скобелевын фотожо.

Опубликовать в Одноклассники

Добавить комментарий