УВЕР ЙОГЫН

Маскым аптекыштат муаш лиеш

9 апрельыште Марий Элыш Россий Минпромторг велым эше 82 тӱжем медицине маскым кондымо. Тиде федеральный рӱдерын мемнан кундемыш колтымо шкем аралыме средствын кумшо партийже.
45 тӱжем маскым республикысе медицине организацийлашке колтымо, кодшо 35 тӱжемжым – регионысо аптеке сетьлашке.
Тиде увер дене У коронавирус инфекцийым кондымым да шаркалымым шижтарыме шотышто оперативный штабын заседанийыштыже палдареныт.
«Медицине маскым аптекылаште пеш писын налын пытарат. Тылеч посна тудым больницылашке, уремыште пашам ыштыше, дезинфекцийым эртарыше коммунальный службо да полиций пашаеҥ-шамычлан ситараш кӱлеш. Кодшыжым эрыкын ужалаш колтена да тыгодым нунын акыштым эскерена. Медицине маскылан йодмашым умбакыже оформитлена»,– регионым вуйлатыше Марий Эл правительстве председательын алмаштышыже Илга Дравниецелан кӱштен каласен.
Александр Евстифеев регионыштына кӱлшӧ шкем аралыме моло средстве – перчатке, респиратор, ик гана чийыме костюм – нергенат ойлен да тиде пашан Россий президентын Юл кундем федеральный округышто полномочный представительже Игорь Комаров дене пырля шукталтмыжым палемден.

Марий Элым вуйлатышын организаций да

аналитике виктемжын уверже негызеш М.ИВАНОВА ямдылен

Опубликовать в Одноклассники

Добавить комментарий