УВЕР ЙОГЫН

Маркеловын погыжо ынде – кугыжанышын погыжо

Россий Федерацийын Генеральный прокуратуржын йодмашыжым суд шуктен да кодшо кечылаште Марий Элын ончычсо вуйлатышыже Леонид Маркеловын 374 миллионат 800 тӱжем теҥгеаш погыжым поген налаш да кугыжаныш парышыш колташ пунчалым луктын.

Тиде радамыш кусараш лийдыме погыж ден транспорт средствалаже пуреныт, палдара ТАСС.

А икымше иск почеш суд кугыжаныш казнашке Маркеловын 2,2 миллиард теҥгеаш актившым кусараш пунчалым луктын.

Ушештарена: республикын ончычсо вуйлатышыже Леонид Маркелов шотышто уголовный делам 2017 ий шошымак тарватеныт. А делаже шотышто колыштмаш Нижний Новгородышто ӱмаште майыште тӱҥалын.

Л.КАМАЛЕТДИНОВА

Опубликовать в Одноклассники

Добавить комментарий