Марий Элыште 22 майлан икияш пырчан да отызан кушкылым 135,8 тӱжем гектарыш ӱдымӧ. Тидыже палемдыме чумыр кумдыкын 90 процентше лиеш.
Ялозанлык да кочкыш сату министерстве гыч пурышо увер почеш, Медведево ден Советский район-влак эн ончыч ӱден пытареныт. Шернур районышто ик процент ӱдаш кодын, Кужэҥер районышто – шым процент. Звенигово, Курыкмарий да Параньга район-влак почеш кодыт, тыште урлыкашым 70-73 процентыш вераҥденыт.
Пареҥгым 1692 гектарыш шындыме, тидыже планын 55 процентше лиеш. Пакчасаскам 1377 гектарыш шындыме, планым 73 процентлан темыме.
Вячеслав Смоленцевын фотожо.
