Регионлаште коррупций кузе палдырныме шотышто Генеральный прокуратур рейтингым ыштен.
Ӱмаште взяткым пуымым пален налме шотышто тиде радамыште эн ончылно Москва лийын, палдара Генпрокуратурын управлений вуйлатышыже Виктор Балдин. Кокымшо ден кумшо верыште Татарстан ден Ставрополь край улыт. А топ-10 радамыш эше Башкортостан, Краснодар край, Челябинск ден Ростов областьла, Дагестан да Пермь край пуреныт.
Балдинын мутшо почеш, 2020 ийыште взяткым налме эн шагал факт Чукоткышто, Еврей автономный областьыште, Марий Элыште, Адыгейыште, Ингушетийыште, Тываште, Хакасийыште, тыгак Мурманск, Кострома, Магадан областьлаште палдырнен.
Л.КАМАЛЕТДИНОВА
