Марий Эл Республикын Кугыжаныш Погынжо тендам Калык-влакын чак чумырген шогымо кече дене да Марий Эл Республиклан 100 ий темме чапле лӱмгече дене саламла!
Нине пайрем-влакын негызыштлан шотлалтше исторический событий-влак чынже денак символ сынан улыт да нуно шуко национальностян элыштына калык-влакын иктыш чак чумырген шогымыштым, мемнан республикын пеш кугу Россий дене иктыш ушнымыжым ончыктат.
1920 ий 4 ноябрьыште автономийым ыштымаш марий калыкын пӱрымашыштыже пеш кугу событийыш савырнен. Национально-административный территорий деч посна марий калык самоопределенийлан правам, шочмо йылмым, кугезына-влакын йӱлаштым да культурыштым арален кодаш да вияҥдаш правам налын.
Республикын историйже Россий кугыжанышын историйже дене эреак пеш чак кылдалтын, тудо эртыше ятыр лу ий жапыште кӱлешан событийлан поян кугу корным эртен.
Кызыт моторлыкшо дене єрыктарыше, национальный йӱлаже, традицийже дене поян Марий Эл Юл кундемыште ик эн сылне да кумылым савырыше кундемлан шотлалтеш. Тыште тўрлє калык гыч лекше да тӱрлӧ верам кучышо, пашам йӧратыше, талантан, кугу вий-куатан еҥ-влак ваш келшен да сӧрасен илат.
Республикыште национальный ден инвестиционный проект-влак илышыш чулымын шыҥдаралтыт, промышленность ден ялозанлыкым, культур ден туризмым, чоҥымо да кундемым тӱзатыме пашам вияҥден колтымо задаче радамлын шукталтеш.
Марий Эл чыла тыгай сеҥымашке ты кундемыште илыше еҥ-влакын шуко тукымыштын, шочмо вер-шӧрым йӧратыше да республикым пеледыктышашлан чылажымат ыштыше еҥ-влакын кажне кечын тыршен пашам ыштымыштлан кӧра шуын.
Ветеран ден тылын труженикше-влаклан поснак алал кумылын тауштымо шуэш, нуно мемнан Шочмо элнан эрыкшым Кугу Отечественный сарыште арален коденыт, кундемым сар деч варасе ийлаште йол ӱмбак шогалтеныт. Те мыланна пеҥгыдылык, патырлык да патриотизм шотышто чапле пример улыда.
Марий Элыште илыше пагалыме еҥ-влак! Мемнан республикнан курымаш лӱмгечыж дек могай сеҥымаш дене толын шуын гын, тек тидыже у сеҥымашке шуаш полшышо ӱшанле негызыш савырна, а ваш-ваш пагалымаш да сєрасен илымаш тек мыланна палемдыме планым Марий Эл Республикын да Российын пиалышт лӱмеш шукташ ончыкыжат полшаш тӱҥалыт.
Чыла еҥлан пеҥгыде тазалыкым, тыныслыкым да илышыште чыла сайым тыланена!
Марий Эл Республикын Кугыжаныш Погынжын Председательже
А.В.СМИРНОВ
