КУЛЬТУР ДА ИСКУССТВО

«Марий Элыште шочын-кушшо улына»

6 апрельыште Санкт-Петербургысо национальность-влак пӧртыштӧ «Родом из Марий Эл» выставке почылтын.

Тушко Марий кундемыште шочын-кушшо, Санкт-Петербургысо художественный университетлам тунем лекше сӱретче-влак шке пашаштым ончаш да аклаш луктыныт. Нунын коклаште Геннадий Яндыганов, Альфия Подзорова, Ирина Смирнова, Алексей Бурков, Валентина Комарова, Полина Метелькова, Анастасия Полозова, Инна Губина, Ацбеха Тесфае, Надежда Шкандрий, Мария Королёва улыт.

Выставкын участникше Ирина Смирнован палемдымыж почеш, художник-влак пашаштым тӱрлӧ технике: пӱртӱс сӱрет, графике, акварель, пастель, керамике, батик  дене-  ямдыленыт.  Кажныжым ончен, шочмо кундемыштым йӧратымыштым да тудын дене кугешнымыштым шижат. Тыгак Марий мландынан кумдан чапланыше еҥже-влакым, пырля тунемме але пашам ыштыме йолташыштым ончыктеныт, а эн тӱҥжӧ калыкнан эртен толмо корнылажат раш палдырна.

Выставке 18 апрель марте шуйна.

А.Байкова

Опубликовать в Одноклассники

Добавить комментарий