Марий Элыште химий, историй да профильный математике дене ЕГЭ-н результатше пале лийын. 2018 ийыште выпускник-влак 2017 ийысе деч сайрак келгырак шинчымашан улмыштым ончыктеныт. Теве 100 баллым налше тачысе кечылан куд еҥышкат шуын.
Химий дене экзаменым республикыште 473 ӱдыр-рвезе кучен. Ныл выпускник эн кӱкшӧ баллым поген. Минобрнаукын палемдымыж почеш, тунемше-влак Йошкар-Оласе 28-ше №-ан, Бауман лицейла, Политехнический интернат-лицей, Советский районысо Ургакш лицей гыч лийыныт.
Историй дене 500 еҥ ЕГЭ-м сдатлен. Ты предмет дене шӱдӧ баллым Волжск гыч 9-ше №-ан кыдалаш школын выпускникше налын. Тыгодым профилян математике дене 100 баллым иктат поген шуктен огыл. А эн изи кӱкшытым ты предмет дене 177 еҥ эртен огыл.
Теҥгече выпускник-влак литератур да физик дене экзаменым кученыт. Тылеч вара нунылан у корно почылтеш: профессийым ойырен налаш. Тений выпускник-влаклан вич вузышко кум тӱрлӧ направлений дене документым пуаш лиеш. 1,5 тӱжем утла ӱдыр ден рвезе МарГУ ден ПГТУ-шко яра тунемаш пурен кертыт.
Е.Эшкина.
