1 июнь гыч Марий Элыште вӱд объектлаште лӱдыкшыдымылык тылзе акций эрта.
ГИМС-ын инспекторжо-влак кызыт тудым сайын эртарен колташ ямдылалтыт. Верысе кучем орган-влак дене пырля калыклан вӱд пелен канаш условийым саемдыме, лӱдыкшӧ улмо верлам рашемдыме пашам эртарат. Тиде пагытыште инспектор-влак вӱд объект-влакым патрулироватлыме амал дене рейдымат эртараш тӱҥалыт. Йоча тазалыкым пеҥгыдемдыме лагерьлаште вӱдыштӧ да вӱд воктене лийме годым шкем кузе кучымо шотышто туныкташ тӱҥалыт. Кӱлешлык лектеш гын, инспектор-влак тыгак республикысе эҥерлаште вӱд дене ийын коштшо турист группыламат ужатен кошташ тӱҥалыт.
С.Носова
