26-28 февральыште Рязань областьысе Касимов олаште «Туристические города» Всероссийский премийын финалже лиеш.
Марий Элын чапшым тушто кок проект аралаш тӱҥалеш. Козьмодемьянск ола «Город музейного туризма» номинацийыште мастарлыкшым терга, Йошкар-Оласе ТИЦ (туристско-информационный рӱдер) «Эн сай муниципал ТИЦ» лӱмым налме верч таҥаса.
Конкурсыш элнан 70 регинжо гыч 387 йодмаш пурен. Эксперт-влакын ойырымышт почеш, шорт-листыш 293 пашам ойырымо.
📸 «Туризм в Йошкар-Оле» сайт гыч налме фото.
