УВЕР ЙОГЫН

Марий Элысе виктер спортым вияҥдымаште грантым налше-влакым пеҥгыдемден

Грант вияҥаш полшышаш Марий Эл правительстве коммерческий огыл организаций-влаклан физический культурым да тӱшка спортым вияҥдашышт грантым (50 гыч 200 тӱжем теҥге марте) пуаш лийын. 

Тыгай пунчалым 9 июльышто лукмо. Конкурсым Самырык-влакын политикышт, спорт да туризм министерстве («Тӱшка спорт» да «Кӱшыл достижениян спорт» направлений дене) эртарен.

20 августышто сеҥышым палемденыт.

«Тӱшка спорт» направлений дене 1 грант 200 тӱжем теҥге, 1 грант 150 тӱжем теҥге, 5 грант 100 тӱжем теҥге гыч, 3 грант 50 тӱжем теҥге гыч логалын.

«Кӱшыл достижениян спорт» направлений дене 1 грант 200 тӱжем теҥге, 1 грант 150 тӱжем теҥге, 5 грант 100 тӱжем теҥге гыч, 3 грант 50 тӱжем теҥге гыч ойыралтын.

Конкурсыш чылаже 48 йодмаш пурен, тышечын финал этапыш 29 кодымо. Тыге «Тӱшка спорт» номинаций дене сеҥышыш логалыныт: «РМЭ смешанный единоборствын федерацийже РОО (ММА)», «Куштылго атлетике дене СШОР», «РМЭ спорт ориентирований да спорт туризм федерацийже», «Виктория» СШОР», «Гражданский рӱдер» РОПО, «Витязь» ДСК АНО, «РМЭ-н дзюдо дене федерацийже», «Инвалид-влакын всероссийский обществышт» РОО, «Молодёжный инициативный тӱшка» РОО, «Дзюдо кучедалмаш дене СШОР» ГБУ.

«Кӱшыл достижениян спорт» направлений дене сеҥышыш лектыныт: «Фитнес-аэробике дене федераций» РОО, «Марий Эл Республикын спорт ориентирований да спорт туризм федерацийже» РОО, РМЭ-н «Красный город» регбим йӧратыше-влакын ассоциацийышт,  «Олимпийский резерв училище» ГБПОУ, «Фигурный мунчалтымаш дене спорт школ» ГБУ, «Виктория» СШОР» ГБУ, «Дзюдо кучедалмаш дене СШОР» ГБУ, «Спортивно-адаптивный паралимпийский резерв школ» ГБУ, «Иймаш дене СШОР» ГБУ, «Спорт гимнастике дене СШОР» ГБУ.

Е.Эшкинина.

Опубликовать в Одноклассники

Добавить комментарий