УВЕР ЙОГЫН

Марий Элын чапшым Грозныйышто арала

22 сентябрьыште Чечня Республикысе Грозный олаште «Российын Идалыкын туныктышыжо-2019» 30-шо всероссийский конкурс почылтын. Марий Элын чапшым тушто Советский район Вечын кыдалаш школышто биологийым туныктышо, ты конкурсын регионысо этапыштыже сеҥыше Людмила Кукарева (снимкыште) арала.

Тиде гана профессионал мастарлыкым элнан 85 регионжо гыч ик эн виян педагог-влак ончыктат. 85 участник гыч эн шукынжо (17 еҥ) йот йылмым туныктат, а 5 педагог науко кандидат улыт.

Финалист-влак кокла гыч 55 еҥже – ӱдырамаш, кокла ийготышт – 35,5 ий. Эн самырык участниклан 25 ий гын, а эн кугу стажанлан – 51 ий.

Финалын эртымыжым Интернет гоч онлайн йӧн дене конкурсын официальный сайтыштыже эскераш лиеш: https://teacherofofrussia.edu.ru/competition/translation/

Тенийысе тергымаш  Грозный оласе кок образовательный организацийыште лиеш: 14-ше №-ан гимназийыште да ХИ.Ибрагимов лӱмеш 1-ше №-ан Математике школышто. Конкурс 2 октябрь марте шуйна.

Г.КОЖЕВНИКОВА.

Опубликовать в Одноклассники

Добавить комментарий