Элнан рӱдолаштыже, Москваште, эртыше «Шӧртньӧ шыже» 21-ше Всероссийский агропромышленный выставке гыч Марий Эл 30 медальым конден.
Марий Элын выставке стендыштыже республикысе агропромышленный комплексын коло утла ончыл предприятийже шке сатужым ончыкташ луктын. Россий Федерацийын ялозанлык министрже Д.Патрушев вольык озанлык да племенной паша павильонышто «Лукоз» СХП ООО-н экспозицийжым кок ий почела ончен да Зааненский урлык казалан поснак кугу тўткышым ойырен. Тиде агрохолдингым вуйлатыше В.Кожанов дене мутланен да регионыштына ялозанлык кузе вияҥме нерген пален налын. А Кугыжаныш Кремль полатыште Ялозанлык да перерабатыватлыше промышленность пашаеҥ-влакын кечыштым палемдыме годым сцене гыч погынышо-влаклан «Шернур легенде» сыр нерген изи презентацийым ончыктеныт да Марий Эл тиде продукт дене чаплана манын палемденыт. Выставкыште Марий Элым вуйлатыше А.Евстифеевын темлымыж почеш чыла продукцийым «Марий Элыште ыштыме» бренд дене ончыктымо.
— Мемнан республик гыч намийыме сатун ойыртемже – там, натрульный да экологий могырым яндар улмыжо, — погынышо-влаклан сатунан келшымыжым умылтарен Марий Элын ялозанлык да продовольствий министрже А.Гречихо.
Отраслевой конкурсышто иктешлыме почеш, Марий Элысе предприятий ден организаций-влак тўрлє номинацийыште кўкшє награде дене палемдалтыныт. «Кўкшє качестван кочкыш продукцийым ямдылымылан» номинацийыште шєртньє медальым налыныт:
— «Звениговский» шыл комбинат ООО – «Заветы Сталина», «Салями Итальянская» иленек шикшеш кўктымє колбаса-влаклан;
— «Шернур сырзавод» ЗАО – «Тилизитер», «Фуэте овечий», «Буратта» сыр-влаклан, кугымӧр-банан торыклан, L-карнитонан тувыртышвўд напиткылан;
— «Солюд» ООО – «Мариэльская бурёнка» сгущенкылан, греческий йогуртлан, стаканыш темыме «Мариэльская бурёнка» ӱмбаллан;
— «Йошкар-Ола хладокомбинат» ООО – кылмыктыме турнявєчыжлан;
— «Чай Руси» ООО – писте пеледыш дене лышташан вуйдеҥгелан, лышташан классический вуйдеҥгелан, шерывєчыж дене лышташан вуйдеҥгелан;
— «Яндар» ООО – лышташан вуйдеҥгелан.
Ший медаль дене палемдалтын:
— «Звениговский» шыл комбинат ООО – «Пепперони» иленек шикшеш коштымо колбаске-влаклан, «Мускатная», «Венеция» иленек шикшеш коштымо колбасалан, «Советский», «Брауншвейгская» иленек шикшеш коштымо пеле кукшо колбаса-влаклан.
Той медаль дене палемдалтыныт:
— «1-ше №ан кинде завод» ООО – кукуруз киндылан;
— «Крафт» ООО – эҥыжан шєр шоколадлан;
— «Советский райпон кинде заводшо» — томат соуслан.
«Лукоз» СХП ООО «Племенной да товарный вольык озанлыкым вияҥдымаште сай лектышыш шумылан» конкурсышто «Зааненский урлык казан марий типше» шєртньє медальым сеҥен налын.
«Ял кундемым икшырымын вияҥдымаште кӱкшӧ лектышыш шумылан» конкурсышто Медведево муниципальный районын да Медведево районысо Пекшиксола ял шотан илемын администрацийышт «Ял кундемыште чыла шотыштат йєнан илыш условийым ыштымаш» номинацийыште шєртньє медаль дене наградитлалтыныт. Тиде номинацийыштак Шернур районысо ял шотан Казанский ял администраций тауштымаш дене палемдалтын.
«Марий кугыжаныш университет» ВО ФГБОУ вишкыде органинческий ўяҥдышым кучылтмаште переливной технологийым ямдылымылан да шыҥдарымылан той медаль дене палемдалтын. Той медальым «Акашевский» сурткайык фабрике» ООО «Гринекс» органический ӱяҥдышым ямдылымылан да шыҥдарымылан налын. Тыгаяк медаль дене палемдалтын «СП ушем» НПК ООО «Дар» гуминовый концентратым ямдылымалан да шы‰дарымылан. «Вольык чер ваштареш кучедалше Медведево станций» ГБУ 2019-2021 ийлаште Медведево районышто сурткайык гриппым эскерыме программым ямдылымылан да шыҥдарымылан тыгак той медальым налын.
Тичмаш налмаште Марий Эл Российын рўдолаж гыч 30 медальым конден, тидын шотыштак 18 шєртьым, 6 шийым да 6 тойым.
«Яндар» ООО -н директоржо Е.Петров Москваште лиймыж нерген тыге ойла:
— Марий Элын экспозицийже воктене калык поснак шуко лийын. Вет ме тушко экологий могырым яндар продукцийым намиенна. Мемнан ушемын намийыме вуйде‰ге чайым шукын йўын онченыт да чылаштлан келшен. Кугыжаныш Думышто ЛДПР-ын лидерже В.Жириновский, тыгак мемнан землякна, Кугыжаныш Думын депутатше И.Тетерин сатунам кўкшын акленыт. Мемнан лышташан вуйдеҥге чайнам арам огыл шєртньє медаль дене палемденыт.
В.СМОЛЕНЦЕВ
Снимкылаште: выставке годым.
Д.Речкинын фотожо.
