Петербургысо XXII-шо тӱнямбал экономический форумышто Марий Эл вуйлатыше Александр Евстифеев Сбербанкын «Транзит тӱня: мо эрла?» пленарный сессийышкыже, тыгак «Окса турпоток. Экспортыш туризм» дискуссийыш ушнен.
— Туризм йодыш мемнан республиклан моткочак кӱлешан. Кызыт мый Марий автономийым ыштымылан 100 ий темме, тиде событий дене кылдалтше туризм теме, экотуризм, этнотуризм, медицине, образовательный, патриотический туризм дене чолган пашам ышташ кӱлмӧ нерген ойлем. Мом каласкалышашна да ончыктышашна ятыр. Тиде унам вашлиймаш веле огыл, тыгак экономике индустрий. Мыланна унагудо-влакым чоҥыман, специалист-экскурсовод-шамычым ямдылыман, республикышкына толшо турист-влаклан оҥай лийже, куанен коштышт манын, илемласе урем-шамычым шотыш кондыман, — палемден Александр Евстифеев.
Л.Камалетдинова.
