ГАЛЕРЕЙ КУЛЬТУР ДА ИСКУССТВО

«Марий-влак Россий мучко илат. Эн сай»

Тыге маналтеш фотокорреспондент Денис Речкинын черетан выставкыже. 

Ты гана тудо Моско метрошто таче почылтын. 

Д.Речкин республик мучко веле огыл, марий-влакын тӱшкан илыме кундемлашке чӱчкыдынак командировкыш лектын коштеш. 

– Марий Эл, Пермь кундем, Башкортостан, Татарстан, Удмуртий республикла, Нижегородский область да молат, — ойла Денис. — Кеч-могай регионыш миен коштмо порын шарналтеш, кажныже волгыдо шарнымашым коден. 

Выставкыш фотокорреспондент шӱдӧ утла пашажым ончаш да аклаш луктын. Нунын гоч тӱрлӧ регионышто илыше марий калыкын илышыже тӱвыраже, йӱлаже палдырна. 

Республикнан 100 ияш лӱмгечыж вашеш выставкым эртараш Марий Эл правительстве полшен. 

А.БАЙКОВА

Опубликовать в Одноклассники

Добавить комментарий