Марий Элыште «Вӱд объектлаште лӱдыкшыдымылык месячникым» увертарыме. Июль кыдал гыч 7 август марте вӱд объектлаште лӱдыкшыдымылыкым эскерыме шотышто мероприятий-влак эртаралтыт.
Чот шокшо игече шогымылан кӧра шукышт йӱштылаш чарыме верышак йӱштылыт. Лачшымак тыгай эҥер але ер серыште йӱштылмаш чӱчкыдын трагедийыш савырна.
Тений гына 14 июль марте Марий Элыште 23 еҥ вӱдыш пуренгаен колен. Азапыш логалме ик тӱҥ амал – йӱшывуя йӱштылмаш але проста правилым шуктыдымаш.
Тиде ситыдымашым шотыш налын, гражданский обороно комитет, район администраций да кучемын моло огранышт лӱдыкшыдымылык йӧным палемдыме шотышто мероприятий-шамычым эртарат. Республикысе чыла муниципал образованийлаште калык коклаште профилактике паша эртаралтеш. Йӱштылаш чарыме нерген увертарыше пале улман верлаште йӱштылмылан кок тӱжемат пеле теҥге марте штрафым тӱлыктен кертыт.
Р.ЧЕПАКОВА ямдылен
