7 июньышто Марий Элын Молодёжный политике, спорт да туризм министерствыштыже чолган пашам ыштыше тренер-влакым, Европын чемпионжо «Экстрим» командым саламленыт.
Тӱнямбал кеҥеж модмаште пауэрлифтингыште сай результатым ончыктымыжлан С.Мухлыгинлан, физический культур да спортышто сай кўкшытыш шумыжлан пауэрлифтинг дене федерацийым вуйлатышыже Ю.Кудрявцевлан, футбол да регби дене олимпийский резерв спорт школын тренерже Д.Шустовлан Марий Эл вуйлатышын таумутшым, а «Виктория» олимпийский резерв спорт школышто ече спортым вияҥден колтымаште кугу надырым пыштымыжлан, ятыр ий пашам тыршен ыштымыжлан тренер Е.Рыбаковлан Марий Эл правительствын Чап грамотшым кучыктеныт.
Тыгак фитнес-аэробике дене Европын чемпионатыштыже икымше верым налше «Экстрим» командым Молодёжный политике, спорт да туризм министерствын таумутан серышыж дене палемденыт.
Е.ЭШКИНИНА.
