Курыкмарий драме театрым 16 ий Алексей Васканов вуйлатен. А кодшо кечылаште тӱвыра, печать да калык-влакын пашашт шотышто министрын алмаштышыже Александр Луничкин театрын коллектившым у вуйлатыше дене палымым ыштен. Тиде – Людмила Атласкина.
Людмила Алексеевна – Курыкмарий район Кӓрманер ялын ӱдыржӧ. Тудо Йошкар-Олаште И.Палантай лӱмеш музыкальный училищым, Современный гуманитарный академийым тунем лектын. Шке жапыштыже Л.Атласкина М.Шкетан лӱмеш Марий национальный, вараракше Курыкмарий драме театрлаште артист лийын, пытартыш вич ий район администрацийыште тӱвыра пӧлкам вуйлатен.
— Кызыт ме у тургымлан да театрын 25 ияш лӱмгечыжым пайремлаш ямдылалтына. Тудым тений декабрьыште палемдаш тӱҥалына, — ойлен у вуйлатыше.
А.БАЙКОВА
