ТАЗАЛЫК

Кундемыштына мыняр врач?

Врачын тӱнямбал кечыже вашеш Маристат регионыштына врач-влакын чотыштым шотлен луктын. Тыге, 2019 ийыште Марий Элыште 2144 врач лийын, ты шотыштак 553 терапевт, 224 хирург, 129 акушер-гинеколог, 246 педиатр, 53 офтальмолог, 36 отоларинголог, 95 невролог, 29 фтизиатр, 33 дерматовенеролог, 82 рентгенолог-радиолог, 180 стоматолог. Тений стоматолог, терапевт да хирург-влакын чотышт кугемын гын, педиатр, гинеколог да невролог-влакын чотышт иземын.
Маристатын даанныйже почеш, 2019 ийыште Марий Элыште 10 тӱжем еҥлан шотлымаште 32 врач лиийын.
2019/2020 тунемме ийыште регионысо вузлаште «Лечебное дело» специальность дене 1452 студент шинчымашым поген, «Педиатрий» специальность дене – 65 еҥ.

М.ИВАНОВА

Опубликовать в Одноклассники

Добавить комментарий