Кажне ийын спорт гимнастике дене Олимпийский чемпион, СССР-ын сулло спорт мастерже З.Воронинам (Дружининам) шарныме лӱмеш турнир эрта. Тудо тӱрлӧ жапыште палемдалтеш. Мыланем ты вид моткоч келша, сандене палыме шуэш: тений ты турнир кунам да кушто эртаралтеш?
П.Кондратьева.
Медведево район.
Чын, землякна З.Воронинам (Дружининам) шарныме лӱмеш турнир йӱла почеш кажне ийын Йошкар-Олаште эртаралтеш. Тудо февраль мучаште, мартыште лиеш ыле, но… Тений тиде таҥасымаш 15-17 февральыште эртен. Йошкар-Оласе «Юбилейный» спорткомплексыш элнан тӱрлӧ кундемже гыч 15 команде чумырген. Турнир сайын эртен.
Спорт мастер-влак коклаште Марий Эл гыч В.Мухортова (ончыч чемпион лийын) ты гана кумшо верым налын.
Е.Эшкинина.