УВЕР ЙОГЫН

Кужэҥер районышто таза илыш-йӱла нерген мутланеныт

Кужэҥер районысо рӱдӧ эмлымверыште посёлкын ветеранже-влак тӱҥ врач, Марий Эл Кугыжаныш Погынын депутатше С.Горбунова дене вашлийыныт. 

Тушто тӱҥ шотышто пенсионер ден инвалид-влаклан медицине услугым пуымо нерген мутланеныт. Светлана Серафимовна тыгак кызытсе демографий сӱрет, районышто илышын кокла кужытшо (пӧръеҥын – 58 ий, ӱдырамашын – 73 ий) дене палдарен да 80 ий марте илаш задачым шындаш кӱлмӧ нерген ойлен.

Пӧръеҥ-влак тӱҥ шотышто осал койышыштлан да арака дене пеҥгыде кылым кучымыштлан кӧра жап деч ончыч колат. С.Горбунова чыла ветеранлан таза илыш-йӱлам кучаш, чын кочкаш, диспансеризацийым эрташ темлен. Тидын годымак тудо эмлымверыште кадр да медицине оборудований ситыдымым чон коржын палемден. 

Вашлиймаш годым ветеран-влакат икмыняр йодышыштым рашемденыт.

М.ИВАНОВА.

Опубликовать в Одноклассники

Добавить комментарий