УВЕР ЙОГЫН

«Кугу Какшаныш»  — уло Юл кундем гыч

Тиде ий Российыште Йоча туризмын  идалыкше семын увертаралтын. Кодшо кугарнян «Кугу Какшан» кугыжаныш заповедникын пашаеҥже-влак Коминысе визит-рӱдерыштышт республикысе туныктышо-шамычлан  семинарым эртареныт.

Посна аралыме пӱртӱс кумдыклаште йоча туризмым вияҥдыме дене кылдалтше йодыш шотышто кугу мутланымаш лийын. Тушко Юл кундем федерал округысо аралыме пӱртӱс кумдык-влак шотышто специалистышт толыныт. А тыгайжылан Марий Элысе «Кугу Какшан» ден «Марий чодра» национальный парк дене пырля Чувашийысе «Присурский» заповедник ден «Чуваш Вармане» национальный парк, Угарманысе Креженский, Татарстанысе Волжско-Камский да Пермь кундемысе Вишерский заповедник-влак шотлалтыт.

Палемден кодыман, «Кугу Какшан» заповедник йоча туризмым вияҥдыме шотышто сайын пашам ышта. Тыште пӱртӱс поянлык дене палдарыше икмыняр маршрут ышталтын. А туштыжо йоча-шамычлан веле огыл, кугурак ийготан турист-влаклан келшен толшо икмыняр объектым келыштарыме.

 С.Носова.

Опубликовать в Одноклассники

Добавить комментарий