СПОРТ

Кубокын озаже – Марий Элын командыже

Спорт туризм дене (ечыгорнышто) Марий Элын сборный командыже Россий президентын Юл кундемысе полномочный представительжын кубокшо верч таҥасымаш гыч шӧртньӧ медаль дене пӧртылын.

6 мартыште Самарыште, «Чайка» учебно-спортивный рӱдерын базыштыже спорт туризм дене Российын первенствыже иктешлалтын.

Ты гана тушто элнан 22 субъектше гыч команде ушнен. Юл кундем гыч – 14 регион. ПФО-што спорт туризмлан поснак кугу тӱткышым ойырат. Шым ий почела «Туриада» спортивно-туристический лагерь кышкарыште тӱрлӧ сынан таҥасымаш, фестиваль эртат. Проектлан кєра спорт туризм тӱшка спорт семынат вияҥеш. Кажне ийын тушко ушнаш кумылан-влак шукемыт, разрядым шуктышо-шамычат ешаралтыт.

Республикна гыч команде  Россий президентын Юл кундемысе полномочный представительжын кубокшын озаже лийын. Ӱдыр-рвезе-влак смешанный эстафетыште икымше верым налыныт. Кокымшо верыште Красноярский край гыч сборный гын, кумшышто – Свердловск область гыч толшо команде. Кубок верч чылаже 16 команде таҥасен.

Е.ЭШКИНИНА

Опубликовать в Одноклассники

Добавить комментарий