Лишыл кечылаште Звенигово олаште уэмдыме автостанцийым пашашке колтышаш улыт.
Пытартыш ийлаште тудо петырыме лийын. Сандене корнышко тарваныше еҥ-влак, автобусым вучышыла, тымарте уремыште кылмен шогеныт. А ынде автостанцийлан у тӱсым пуртеныт: косметический ремонтым ыштеныт, леведышым вашталтеныт, тушко пурымаште кумдыкым эрыктеныт да шотыш конденыт. Кӧргыштӧ икмыняр теҥгылым вераҥденыт, кассылан верым келыштареныт, туалетым олмыктеныт. Икманаш, еҥ-влаклан чыла шотыштат йӧнан лийже манын тыршеныт.
Л.Камалетдинова.
