Верла гыч увер
Корно правилым кажне палышаш
Курыкмарий районышто икшыве-влакым шкем корнышто чын кучаш туныктеныт.
Йоча-влакым аралыме тӱнямбал кечым палемдыме годым Марий Эл МВД УГИБДД-н корно лӱдыкшыдымылык пропаганде шотышто группыжо Красноволжский школышто тунемше ӱдыр-рвезе-влаклан оҥай да пайдале модышым эртарен. «Йоча-влак – корнышто» модышын ик станцийыштыже тунемше-шамыч корно правил дене кылдалтше йодыш-влаклан вашештеныт. Иктышт чыла гаяк йодышлан вашмутым муыныт гын, весышт – кокытеланеныт, но тӱшкаште ик ойыш шуын кертыныт. ГИБДД инспектор-влак дене чеверласмысе годым нуно кеҥеж каникул жапыште корнышто тӱткӧ лияш да мероприятийыште пален налме шинчымашым ушышто кучаш сӧреныт.
М.ИВАНОВА.