2017 ий октябрьыште Российыште Экологий идалыкым эртарыме кышкарыште лач тыгай лӱман всероссийский фотоконкурс увертаралтын ыле.
Тудын тӱҥ шонымашыже — пушеҥге-влакын пӱртӱсын пумо моторлыкыштым войзен кодаш. Вет кажне кушкыл меман элын исторический поянлыкшылан шотлалтеш.
Конкурсыш колтымо чыла фотосӱретым компетентный жюри аклаш тӱҥалеш. Тушко испонительный ден законодательный власть, мер еҥ, лӱмлӧ ученый-лесовод, эколог, фото, тыглай сӱретче-влак пурталтыныт. Фотоконкурсым Москваште иктешлат. А эн сай паша-влакым «Пушеҥге – чонан пӱртӱсын шарныктышыже» посна альбомыш пуртат. Эн сай паша-влакын авторыштым окса премий вуча: 1-ше премий — 100 000 теҥге, 2-шо премий — 50000 теҥге, кумшо премий — 20000 теҥге.
Конкурс тений 1 август марте шуйна. Тудын нерген сайракын www.rosdrevo.ru сайтыште пален налаш лиеш.
Каласен кодыман: конкурсыш «Пушеҥге — чонан пӱртӱсын шарныктышыже» статусым нумалше пушеҥгым веле войзен колташ лиеш. А тыгайже мемнан регионышто кокыт веле. Иктыже «Марий Чодыра» национальный паркыште, весыже Курыкмарий районышто кушкыт.
С.Носова.
