Марий Элыште поро, уста, чолга еҥ-влакым кычалыт. 1-ше июль марте «Доброволец России-2018» всероссийский конкурсын регионал этапышкыже участник-влакым регистрироватлат.
Тушко волонтёр да поро кумылым ончыктышо рўдер ден клуб-влак, чолга волонтёр студент организацийла ден актив, эреак поро кумылым ончыктышо проектлаште участвоватлыше школласе чолга тунемше-шамыч, республикыште илыше тўрлє ийготан еҥ-влак ушнен кертыт.
Регистраций тыгай номинаций-влак дене эрта: «Волонтёрство Победы», «Социальное волонтёрство», «Событийное волонтёрство», Медицинское волонтёрство», «Волонтёрство в сфере культуры», «Волонтёрство в чрезвычайных ситуациях», «Экологическое волонтёрство», «Серебряное волонтёрство», «Организатор добровольчества». Кажне номинацийлан посна йодмаш уло.
Йодмашым тыгай сайтыште пуаш лиеш: http://добровольцыроссии.рф.
Конкурсышто участвоватлаш шонышо еҥлан йодмаш ден конкурслык материалым 1-ше июль марте пуыман.
Е.Эшкинина.