«Идалыкын сай социальный проектше» конкурсын финалже лийын. Тиде конкурс социальный предпринимательствын кӱлешлыкшым нӧлталаш, Марий Элысе социальный предпринимательстве кумдыкышто сай практикым рашемдаш да кумдан ончыкташ виктаралтын. Тудым «Марий Эл Республикын Предпринимательствылан полшымо фондшо» микрокредит компанийын Социальный сферын инноваций рӱдерже организоватлен.
Конкурс кок этап дене эртен. Икымше заочныйышто жюри йодмаш-влакым аклен. Тудын негызеш кажне номинацийыште финалист-влакым палемден.
Кокымшо этапыште участник-шамыч проектыштым жюри ончылно «презентацийым 200 секундышто» форматыште араленыт. Паша-влакым иктешлымеке, сеҥыше-влакым ныл номинацийыште палемденыт:
— «Ужатен коштыктымо шотышто тӱнен илыше-влаклан полшымо кумдыкышто идалыкын сай социальный проектше» – Нина Иванова, Юрино посёлкышто икымше коворкинг-рӱдерым ыштыме шотышто «Каныме гыч бизнес марте» проект;
— «Сай социальный проект – идалыкын открытийже» – Татьяна Горланова, «Чонан куштымаш – илышын куатше» проект, Йошкар-Ола;
— «Ешартыш шинчымашым пуымо кумдыкышто идалыкын сай социальный проектше» – Надежда Коршунова, Ольга Мясникова, «Йоча империй» икшывым вияҥдыме рӱдер» проект, Звенигово ола;
— «Тӱвыра да сотемдарыме паша кумдыкышто идалыкын сай социальный проектше» – Илья Шумков, «Оласе эҥер серым тӱзатымаш» проект, Звенигово ола.
Чыла участниклан, финалистлан да призёрлан димломым, шарнымашан пӧлекым кучыктымо.
М.ИВАНОВА.
