5-12 сентябрьыште Китайын рӱдӧ олаштыже – Пекиныште — «RoadShow» (Пекин — Гуанчжоу — Пекин), а 12-13 сентябрьыште «The 11th ChinaIncentiveBusinessTravel&MeetingExhibition (CIBTM 2018)» тӱнямбал выставке-влак эртат.
Тӱҥ шотышто тиде кок мероприятийыштыжат тӱнямбал туризм отрасльын профессионалже-влак вашлийыт, шке паша оптышыт дене палдарат, сатуштым темлат, тӱнямбал рынкыш, тӱҥ шотышто Азийыш, Китайыш, шӱкат. Кажне ийын тушко 400 тӱнямбал компаний ден 4 тӱжем профессиональный эксперт-влак ушнат. Тений тушто Марий Эл гыч «Одиссея» компаний шке сату ден услугыжым Россий гыч намийыме ик кугу экспозиций кышкарыште ончыкта.
С.Носова.