СОЦИАЛ ИЛЫШ

Кеҥежлан скверым тӱзатен шуктат?

Йошкар-Ола мэрий Йошкар-Олаште илыше-влакым Ната Бабушкинан сквержым тӱзатыме пашаш ушнаш темен.

Кумылан-влак йодмашым admiola@i-ola.ru электрон почтыш «Ната Бабушкинан сквержым тӱзаташ темлымаш» пале дене колтен кертеш.

Ната Бабушкинан скверым кеҥеж рӱдылан тӱрыс тӱзатен шукташ пелемдыме. Тидлан ола бюджет гыч 7,2 миллион теҥге ойыралтшаш.

Каныме ты кумдыкышто пеледыш клумбым пужен кусараш, 52 тошто теҥгылым, 33 шӱкшак урным верышт гыч кораҥдаш тӱҥалыт. Олмешышт аллей мучко изи садлан, парклан келшыше йӧнан теҥгылым да урным вераҥдаш лийме. Рӱдӧ аллей тӱҥалтыште да мучашыште увер ден палдарыше стеллым шогалтат.

Тыгак йолын коштмо тротуарым олмыктен шарат. Велосипед дене кудалышташ 1 метр лопкынат корным келыштарат.

Р.Чепакова.

Опубликовать в Одноклассники

Добавить комментарий