УВЕР ЙОГЫН

Кандашымше – онлайн йӧн дене

Шукерте огыл Йошкар-Оласе Православный рӱдерыште VIII региональный Рошто образовательный лудмаш эртен.

Тений тудо «Александр Невский: Касвел да Эрвел, калыкнан исторический шарнымашыже» темылан пӧлеклалтын да кундемнан 100 ияш да Кугу Сеҥымашын 75 ияш лӱмгечыштым палемдыме мероприятий кышкарыште

эртаралтын. Святойлан шотлымо Александр Невский шке жапыштыже Российысе калыкым православный вера гоч ушаш тыршен, таклан огыл тудо руш калыкын историйыштыже ик эн тӱҥ ончылъеҥлан шотлалтеш. Исторический шарнымашым арален кодаш полшышо тыгай форумын кӱлешлыкше нерген мероприятийыш ушнышо-влакат палемденыт. Эпидемийлан кӧра тудо онлайн форматыште эртен.

Лудмаш годым «Юмын пуымо тӱнян моторлыкшо» тӱнямбал сӱрет конкурсыш Йошкар-Ола гыч ушнышо икшыве-влакын пашашт дене палдарыше ончерат пашам ыштен.

С.НОСОВА

Опубликовать в Одноклассники

Добавить комментарий