Республикын кучемже Звенигово оласе канализаций коллекторым олмыкташлан эше 7 млн. утла теҥгем ойыра.
Тидын нерген Марий Элым вуйлатыше Александр Евстифеев Звенигово районыш паша дене миен коштмыж годым увертарен. Тудо канализаций коллекторым олмыктымо участкыште лийын да мланде сирлыме верлам шотыш кондаш, тыгак аварийым кораҥдаш правительствын резерв фондшо гыч эше 7,6 млн. теҥгем ойырымо нерген ойлен.
Звенигово муниципальный районым вуйлатыше Владимир Геронтьевын мутшо почеш, у насос станциян канализаций коллекторын пытартыш участкыжым 1 июль марте олмыктен пытарат, кызытсе аварийым 2 тылзыште кораҥдат.
Регионым вуйлатыше тидым шошо марте ыштен шукташ кӱлмым палемден да оласе канализаций сеть шотышто ончыкылык план нерген ойлен.
«Задаче – калык йыгыжге пуш деч ынже орлане манын, тиде пашам март мучаш марте ыштен шукташ. 2018 ийыште ме авральный манме режимыште пашам ыштенна. Калык чын сырен да вуйым шийын, молан манаш гын канализаций сеть дене икмыняр лу ий почела нигӧ нимом ыштен огыл, эсогыл олык мушкылтыш вӱд дене ташлен.Тыге лийшаш огыл. 2019 да 2020 ийлаште аварийым кораҥдыме пашалан оксам правительствын резерв фондшо гыч ойырымо. Кызытат мланде сирлыман верлам тӧрлатыме пашам мучашлыме нерген ойлена. Тудым шуктыман, да калык тымарте чытыме йӧндымылык нерген мондышаш. Чыла пашам сайын да палемдыме жапыште шуктат. Шошо марте мучашлат манын ӱшанем. Вес участке шотышто проект ямдылалтеш, смете рашемдалтеш, но тиде уже палемдыме почеш шуктымо паша лиеш. Районышто аварий ден чрезвычайный ситуацийым пытараш кӱлеш», — палемден А.Евстифеев.
Звенигово оласе канализаций коллекторышто аварийым кораҥдашлан Марий Эл правительствын резерв фондшо гыч 3 ийыште 80 млн. утла теҥгем ойырымо.
Республикын 2021-2023 ийлаште социально-экономически вияҥме индивидуальный программыж дене келшышын, эрыктыме сооруженийым чоҥаш палемдыме. Объектын кокла акше 410 млн. теҥгеш шуэш.
Тидын нерген Марий Элым вуйлатыше Александр Евстифеев Звенигово районыш паша дене миен коштмыж годым увертарен. Тудо канализаций коллекторым олмыктымо участкыште лийын да мланде сирлыме верлам шотыш кондаш, тыгак аварийым кораҥдаш правительствын резерв фондшо гыч эше 7,6 млн. теҥгем ойырымо нерген ойлен.
Звенигово муниципальный районым вуйлатыше Владимир Геронтьевын мутшо почеш, у насос станциян канализаций коллекторын пытартыш участкыжым 1 июль марте олмыктен пытарат, кызытсе аварийым 2 тылзыште кораҥдат.
Регионым вуйлатыше тидым шошо марте ыштен шукташ кӱлмым палемден да оласе канализаций сеть шотышто ончыкылык план нерген ойлен.
«Задаче – калык йыгыжге пуш деч ынже орлане манын, тиде пашам март мучаш марте ыштен шукташ. 2018 ийыште ме авральный манме режимыште пашам ыштенна. Калык чын сырен да вуйым шийын, молан манаш гын канализаций сеть дене икмыняр лу ий почела нигӧ нимом ыштен огыл, эсогыл олык мушкылтыш вӱд дене ташлен.Тыге лийшаш огыл. 2019 да 2020 ийлаште аварийым кораҥдыме пашалан оксам правительствын резерв фондшо гыч ойырымо. Кызытат мланде сирлыман верлам тӧрлатыме пашам мучашлыме нерген ойлена. Тудым шуктыман, да калык тымарте чытыме йӧндымылык нерген мондышаш. Чыла пашам сайын да палемдыме жапыште шуктат. Шошо марте мучашлат манын ӱшанем. Вес участке шотышто проект ямдылалтеш, смете рашемдалтеш, но тиде уже палемдыме почеш шуктымо паша лиеш. Районышто аварий ден чрезвычайный ситуацийым пытараш кӱлеш», — палемден А.Евстифеев.
Звенигово оласе канализаций коллекторышто аварийым кораҥдашлан Марий Эл правительствын резерв фондшо гыч 3 ийыште 80 млн. утла теҥгем ойырымо.
Республикын 2021-2023 ийлаште социально-экономически вияҥме индивидуальный программыж дене келшышын, эрыктыме сооруженийым чоҥаш палемдыме. Объектын кокла акше 410 млн. теҥгеш шуэш.
Марий Элын организаций да аналитике виктемжын уверже негызеш
М.ИВАНОВА ямдылен
