МЕР ИЛЫШ ДА ЙӰЛА

Калык конгресс: У вуйлатыше, тошто илем…

Марий национальный конгрессым вуйлатыше, МарНИИЯЛИ директор Евгений Кузьмин ден исполкомжым вуйлатыше Эдуард Иманаев Курыкмарий районышто лийыныт да мер организацийын тусо чолга еҥже-влак дене вашлийыныт. 

Мутланымаш эртыше пагытыште шуктымо пашам иктешлыме да ончыкылан планым рашемдыме дене кылдалтын. Конгрессын районысо пєлкажым тымарте Магдалина Егорова вуйлатен. Тудак ворандарыме пашам иктешлен. Погынышо-влак пєлкан у вуйлатышыжым сайленыт, ўшаным Светлана Ероновалан ыштеныт.

Погынымаш деч вара Марий национальный конгрессын ончылъеҥже-влак Шалаболко кундемыште, марий археолог-влакын пургедме верыштышт, лийыныт. Тений нунын пашашт лектышан: археолог-влак тушто XIV курымысо марий илемым верештыныт. Кызыт пургедме паша умбакыже шуйна. МарНИИЯЛИ директор тиде верым ончал савырныде кертын огыл.

С.Носова.

Опубликовать в Одноклассники

Добавить комментарий