КАЛАСЕ, "МАРИЙ ЭЛ"

Калыкын шинча пӱсырак

 

Общероссийский калык фронтын республикысе отделенийжын чулымеҥже-влак «ОНФ-н корно инспекцийже/Пытыше корно карт” проект кышкарыште кундемыштына шаланыше корно участке-влакын рейтингыштым ямдыленыт. Республикысе илыше калыкын шонымыж почеш олмыкташ кӱлмӧ корно-влак спискым Марий Эл правительствыш колтеныт.

Проектым еҥ-влак саламлен вашлийыныт да пытыше корно участкылам ончыктат веле огыл, нуным олмыктышаш верч кумылын йӱклат. Кызыт марте рейтингыш 230 наре тыгай корным пурташ темленыт, нунын чумыр кужытышт 390 километрыш шуэш. ОНФ-н активистше-влак верысе властьлан калыкын ойжым да шонымашыжым шотыш налаш, начар корным олмыктымо пашам 2017-2018 ийысе планыш пурташ темлат.

Йошкар-Олаште илыше-влак пытыше корно картыш 130 участкым пуртеныт. Ты спискым рӱдола администраций вуйлатышылан колтеныт. «ОНФ-н корно инспекцийже/Пытыше корно карт” проектым виктарыше В.Ершовын мутшо почеш, фронтын интерактивный картыштыже ончыктымо шагал огыл пытыше корным олмыкталтшаш планыш пуртымо але олмыкташ тӱҥалме. Ты картын адресше: http:/dorogi-onf.ru/.

А.АНДРЕЕВ.

Опубликовать в Одноклассники

Добавить комментарий