УВЕР ЙОГЫН

Калыкын йодмыжо шӱкалтышым ыштен

Йошкар-Ола гыч Шернур кугорныш лекмаште водитель-влакын шукертсек ятлен пытарыме корным кодшо кечылаште олмыкташ тӱҥалыныт. Тыгак ты начар корным шотыш кондышашлан калыкын  Йошкар-Ола администрацийыш шуко вуйшиймашым возымыжат шӱкалтышым ыштен. Чынжымак, ты корно дене К.Либкнехт уремыш, ремзавод кундемыш да рӱдоласе больницыш логалаш, эмлымверыш вашкеполыш машина дене черле еҥым наҥгаяш пеш неле.

Ик меҥге утларакыш шуйнышо участкыш асфальтым строитель-влак 10 август марте шарен шуктышаш улыт. Индеш миллион теҥгеаш пашам ыштыман. «Волгаспецстрой» ООО-н пашазыже-влак у корным вакшаш ямдылалтме пашам мучашленыт: чумыр кужытышто тошто асфальтым кораҥденыт.

Олмыктымо пашам тӱҥалме дене автомашина-влаклан кудалаш корным тӱрыс петырен огытыл, ик велым эртен каяш коденыт. Пашам сутка мучко ыштат.

А.АНДРЕЕВ.

Опубликовать в Одноклассники

Добавить комментарий