Марий Элыште илыше граждан-влак пенсий дене кылдалтше чыла йодышыштым Россий Пенсий фондын республикысе увер да справке службыштыжо 8-800-600-02-15 номеран шуко каналан телефон полшымо дене чылт яра рашемден кертыт.
Телефонын полшымыж денак персональный данный, мутлан, пенсийын кугытшо але тудым кондымо кече шотышто консультацийым налаш лиеш. Тидланже личностьын уникальный идентификаторжылан шотлалтше кодан мутым (тудым службын специалистше-влак шындаш полшен кертыт) гына каласыман.
Консультацийым налме деч посна эше Россий Пенсий фондын Марий Элысе чыла органышкыже приёмыш возалташ лиеш. Специалист-шамыч фондын услугыжым электрон йӧн дене налаш полшат, кылым дистанционно кучымо сервис дене палдарат.
Увер да справке службын услугыж дене кече еда 100 наре еҥ пайдалана.
Консультацийым шочмын, кушкыжмын да изарнян 8 гыч 20 шагат, вӱргечын да кугарнян 8 гыч 17 шагат марте пуат.
М.ИВАНОВА
