1 декабрьыште СПИД ваштареш кучедалме тӱнямбал кече палемдалтын.
Ты кечын тӱня мучко ятыр кугыжаныш, мер, медицине организаций тӱрлӧ мероприятийым эртарат.
У Торъялысе рӱдӧ книгагудат ӧрдыжеш кодын огыл. Тудын дене кылым кучышо «Антарес» волонтер-влакын организацийышт «АнтиСПИД» акцийыш ушнен да еҥ-влаклан чер нерген каласкалыше буклетым, йошкар тасмам – ты чер ваштареш кучедалме символым – пуэденыт.
Л.КАМАЛЕТДИНОВА
