Россий Просвещений министерстве «Илыше классике-2019» всероссийский конкурсым увертарен. Тушко кажне ийын икмыняр миллион икшыве ушна. Мероприятий тунемше-влакым книгам лудаш тараташ ышталтын. Проект Россий Президент грантын фондшо полшымо дене илышыш шындаралтеш.
Регионысо конкурсышто сеҥыше-влак мастарлыкыштым йоча-влаклан «Артек» тӱнямбал рӱдерыште майыште ончыктат. А суперфинал июньышто Москваште эрта. Нуно почеламутым Йошкар площадьыште лудаш тӱҥалыт. Тыгак ӱдыр-рвезе-влаклан радио дене, оласе пайремлаште, литератур каслаште устан лудмыштым ончыкташ йӧнышт лиеш.
Ешартыш уверым youngreaders.ru конкурс сайтыште пален налаш лиеш.
Л.ШАБДАРОВА.
