Тений майыште Йошкар-Олаште пассажир-влакым шупшыктышо троллейбуслаште автоматизироватлыме системым шыҥдараш шонат.
Рӱдолан мэржын алмаштышыже А.Загайновын мутшо почеш, тыгай вашталтыш «Троллейбус транспорт» муниципальный предприятийын парышыжым тылзыште 1 миллион теҥгелан кугемда. Тылеч посна электрокуат опт рынкыш лекташ палемдыме. Тидыже троллейбус предприятийлан (чылажат шонымо семын лиеш гын) идалыкыште 3 миллион наре теҥге парышым кондышаш, тыге рознице акат 10 процентлан вола.
Д.РЕЧКИН.
