УВЕР ЙОГЫН

Йодышетым «шокшо линийыште» рашемде

Роспотребнадзорын увертарымыж почеш, Российыште 43 утла регионым грипп эпидемий авалтен

Марий Элыште кодшо арнян ОРВИ дене черланыме 4874 случайым регистрироватлыме. Тиде чот эпидемий лондемым 29 процентлан вончен. 19 еҥ грипп дене черланен, ты шотыштак – Йошкар-Ола, Волжск ола да Волжский ден Медведево районла гыч 14 ияш марте 9 йоча. ОРВИ дене черланыме чот Йошкар-Ола, Волжск, Козьмодемьянск олалаште, Морко, Советский, Юрино районлаште эпидемий лондемым вончен. Чер чот шарлымылан кӧра 20 школысо 43 классыште туныктымым чарныме.

Эпидемий ситуацийын кечын нелем толмыжлан кӧра Марий Эл правительстве пеленсе санитарно-противоэпидемический комиссий 5 февраль гыч республикысе чыла районышто ограничитлыме мероприятий-влакым увертарен.

Тидын годымак Роспотребнадзорын Марий Эл Республикысе виктемже грипп да ОРВИ профилактике йодыш шотышто «шокшо линийым» увертарен. 8-800-707-61-77, 68-19-57, 8-800-707-61-05, 45-19-33 телефон дене йыҥгыртыше кажне еҥ специалист-эпидемиолог-влак деч маскым чийыме правилым, медицине полышлан эҥертыме дене кылдалтше тӱрлӧ йодышым рашемден кертеш.

М.ИВАНОВА.

Опубликовать в Одноклассники

Добавить комментарий