23 ноябрьыште Крым Республикысе Ялта олаште Россий Федераций Президент Владимир Путинын вуйлатымыж почеш, РФ Кугыжаныш советын президиумжын кумдаҥдыме заседанийже эртен. Тушто Марий Элым вуйлатыше Александр Евстифееват лийын.
Россий Президентын пресс-секретарьже Дмитрий Песковын увертарымыж почеш, заседанийыште РФ субъектлам вуйлатыше-влак ончылан шындыме «майысе указыште» ончыктымо задаче-влакым лончылымо, тыгак регионлаште национальный проект-влакым илышыш пуртымо йодыш-шамычым каҥашыме.
«Заседаний у формат дене эртен. Тудын кышкарыштыже В.Путин ден РФ субъектлам вуйлатыше-влак формально огыл мутланеныт. Каҥашымаш годым участник-шамыч национальный цельыш шумо да стратегический задаче-влакым решатлыме пашам вияҥдаш полшышо мер-влак шотышто темлымаш-шамычым лончыленыт», – маныт Кремль гыч.
Тений майыште В.Путин «Россий Федерацийым 2024 ий марте вияҥдыме национальный цель ден задаче-влак нерген» указым луктын. Документ дене келшышын, элыштына научно-технологический, социально-экономический вияҥмаште кугу ошкыл лиеш, граждан-влакын илышышт саемеш, кажне айдемылан усталыкым почаш да вияҥдаш йӧн ышталтеш.
Марий Эл Республикын организаций да аналитике виктемжын уверже негызеш М.ИВАНОВА ямдылен.