УВЕР ЙОГЫН

Икымше гана погыненыт

Параньга районысо у созыв Депутат-влак погынымашын икымше сессийже эртен.

Депутат-влакым район администраций вуйлатыше Альфит Ибраев саламлен да калыкын ӱшанжым шуктен толаш тыланен. Икымше сессийыште икмыняр тӱҥ йодыш-влакым каҥашаш кӱлын. Эн ончычак погынымаш вуйлатышым сайлыме шотышто. 18 депутат кокла гыч кок кандидатур темлалтын: Кугу Пумарий илем гыч Любовь Михеева да Пӧртанур гыч Дина Валеева. Шукырак йӱк дене угыч Любовь Леонидовнам сайленыт.

Тыгак депутат-влак эреак пашам ыштыше кум комиссийым, вуйлатышыштым палемденыт. Мучашлан Марий Эл муниципальный оборазований-влак советыш шке представительыштым ойыреныт. Тыгай ӱшаным Л.Михеевалан ыштеныт.

 С.НОСОВА.

Опубликовать в Одноклассники

Добавить комментарий