Марий Элыште Пожар ваштареш кучедалше федеральный службын эн сайын пашам ыштыше пожарно-утарыше частьше-влакын смотрышт эртен.
Тушто икымше верыш Йошкар-Оласе 5-ше тыгай часть лектын. Кокымшо ден кумшо тыгак марий рӱдолан 4-ше ден Волжскын 12-шо пожарно-утарыше частьше-влак лийыныт. Конкурсышто сеҥаш куштылгыжак лийын огыл, нунын материально-технический базыштымат, оперативно-служебный пашан лектышыштымат, дисциплине да молымат акленыт.
5-ше часть нерген ойлаш гын, тудым 2007 ий 1 ноябрьыште ыштыме. Тудо 6, 9, 9а, 9б, 9в, Западный, Березово, Фестивальный микрорайон-влаклан, Мышино, Кожино, Интеграл, Кугу Чигашево ял-влаклан, тыгак Йошкар-Олан промзоныжлан мутым куча. Личный составыште 51 еҥ. Частьым элкӧрго пашан майоржо Павел Ларин вуйлата. Пашаште кызытсе жаплан келшыше автотехникым кучылтыт. Вооруженийыште кум автоцистерне да АЛ-50 автотошкалтыш улыт. Тений гына 100 утла пожарым йӧртымашке лектын коштыныт. 16 еҥым пожарыште утареныт гын, 42 еҥым – аварийно-утарыме паша годым.
С.НОСОВА.