Пенсий фонд увертара
Икте гыч – весыш
Практике гыч коеш: пенсийым икте гыч вес видыш кусарыме шотышто услуго дене кызыт шуко еҥ пайдалана. Тидыже граждан-шамычын шкан палынак сай йӧным ойырен налмышт дене кылдалтын. Мутлан, гражданин, шоҥгылык шотышто страховой пенсийже деч шӧрлен, ешым пукшышым йомдарыме шотышто пенсийыш куснен кертеш, но тидлан РФ Пенсий законодательстве дене келшыше негыз лийшаш.
Пенсий фондын 30 утла услугыжым «Электронные услуги» манме ик порталыш (www.es.pfrf) пуртымо. Тудым пайдаланыме услугын типше (пенсий, социальный выплате, еш капитал да молат) дене веле огыл, тыгак тушко пурымо йӧн (регистраций дене але регистраций деч посна) дене структуироватлыме. «Гражданинын личный кабинетышкыже», тыгак персональный данный дене кылдалтше моло услугыш пурышашлан Кугыжаныш услуго-влак сайтыште, Идентификаций да аутентификаций единый системыште, пеҥгыдемдыме учётный запись кӱлеш.
Кугыжаныш услуго-влак сайтыш Пенсий фонд эше ик опцийым пуртен, тудо «Пенсийым электрон формо дене угыч шотлымо нерген йодмашым пуаш» маналтеш. Пенсийын кугытшым негызлан темлыме документым пуымо деч вара веле угыч шотлат. Тыгай сынан документ кугыжаныш моло органын распоряженийыштыже гын, Пенсий фонд тудым ведомство-влак кокласе кыл кышкарыште шке йодын налеш. Тиде документ кугыжаныш органлаште уке гын, тугеже шке дене аралыме документлан шотлалтеш. Йодмашым электрон формо дене пуымо деч вара негызлан темлыме документым Пенсий фондын верысе органышкыже вич кече жапыште кондыман. Документ деч посна йодмаш огеш ончалт.
Пенсий фондын решенийже (распоряженийже) нерген уведомлений Кугыжаныш услуго-влак сайтын «Гражданинын личный кабинетышкыже» толеш.
М.ИВАНОВА.